ရွှန်းလဲ့သီတာ(English Major၊ ရန်ကုန်တက္ကသိုလ်)နှင့် တွေ့ဆုံမေးမြန်းခြင်း


ရွှန်းလဲ့သီတာ(English Major၊ ရန်ကုန်တက္ကသိုလ်)နှင့် တွေ့ဆုံမေးမြန်းခြင်း


အမတို့ YU မှာ သင်ကြား​ပေးတဲ့ English Major က Language အသား​ပေးဆိုတာထက် Literature အသား​ပေးဖြစ်လို့ တကယ်နက်နက်ရှိုင်းရှိုင်းသင်ယူဖို့ တွေးထားမှပဲ ရွေးချယ်​စေချင်ပါတယ်။

(၁) အမည်၊ ဘာသာရပ်၊ တက္ကသိုလ် စတာလေး မိတ်ဆက်ပေးပါဦး။


ကျွန်မနာမည်က​တော့ ရွှန်းလဲ့သီတာဖြစ်ပါတယ်။ သူငယ်ချင်း​တော်​တော်များများက​တော့ အရွှန်းလို့​ခေါ်ကြပါတယ်။ လက်ရှိမှာ​တော့ ရန်ကုန်တက္ကသိုလ် အင်္ဂလိပ်​မေဂျာ တတိယနှစ် ဂုဏ်ထူးတန်းကို တက်​ရောက်သင်ကြား​နေတာဖြစ်ပါတယ်ရှင့်။


(၂) ဒီဘာသာရပ်ကို ရွေးချယ်ခဲ့ရခြင်း အကြောင်းအရင်း သို့ နှစ်ခြိုက်မိတာလေးကို ပြောပြပေးပါဦး။


ဒီဘာသာရပ်ကို ရွေးချယ်ခဲ့ရတာက​တော့ ဆယ်တန်းအမှတ်မမီလို့ အိမ်က တက်​ရောက်​စေလိုတာ​ကြောင့်ပဲဖြစ်ပါတယ်။ ဒီဘာသာရပ်ကို သင်ကြားရာမှာ အဓိကနှစ်သက်မိတာက​တော့ အင်္ဂလိပ်စာ​ပေရဲ့ Usage တွေရယ် လုပ်ငန်းခွင်မှာပါ အသုံးတည့်တဲ့ Translation Tips and Tricks တွေပဲဖြစ်ပါတယ်။


(၃) လေ့လာရတဲ့ဘာသာရပ်တွေအကြောင်း အတွေ့အကြုံလေးကို ညီငယ် ညီမငယ်တွေအတွက် ဝေမျှပေးပါဦး။


ဘာသာရပ်အ​နေနဲ့က​တော့ စုစု​ပေါင်း ၆ ခု​လေ့လာရပြီး​တော့ Major နဲ့ Minor ဆိုပြီး ခွဲထားပါတယ်။ မေဂျာမှာက​တော့ Literature, Phonetics, Translation နဲ့ Research ပိုင်း​တွေ အဓိကထား သင်ပြီး​တော့ Minor အ​နေနဲ့​က​တော့ Myanmar, Business English, IR, Philosophy, Psychology, Pali စတဲ့ ဘာသာရပ်​တွေကို စာသင်နှစ်အလိုက် ပြောင်းလဲယူရတာမျိုးပါ။ Major တွေက​တော့ စာသင်နှစ်ကြာလာ​လေ သင်ယူလို့ ပိုအဆင်​ပြေလာ​လေဖြစ်​ပေမယ့် Minor တွေက​တော့ စာသင်နှစ်အလိုက် အ​ပြောင်းအလဲ​တွေလည်းရှိတာမို့ in deep လေ့လာသွားဖို့က ခက်ခဲပါတယ်။


(၄) အကယ်၍ ထပ်ဖြည့်ပြောချင်တာလေးရှိရင် ပြောပေးခဲ့ပါဦး။


နောက်ဆုံးအ​နေနဲ့​ပြောချင်တာက​တော့ အမတို့ YU မှာ သင်ကြား​ပေးတဲ့ English Major က Language အသား​ပေးဆိုတာထက် Literature အသား​ပေးဖြစ်လို့ တကယ်နက်နက်ရှိုင်းရှိုင်းသင်ယူဖို့ တွေးထားမှပဲ ရွေးချယ်​စေချင်ပါတယ်။ အကယ်၍ အမလို ဘာ​ရွေးချယ်ရမှန်းမသိလို့ ရောက်လာခဲ့ရင်​တောင် English Major ကို​ရွေးချယ်ခဲ့ခြင်းက အမအတွက်​တော့ အကျိုး​ဖြစ်ခဲ့​တာ​တွေလည်း ရှိပါတယ်။ အခုဆို English Major က သင်ကြား​ပေးထားတဲ့ English Usage တွေနဲ့ အမစိတ်ဝင်စားတဲ့ သဘာဝပတ်ဝန်းကျင်ထိန်းသိမ်း​ရေးဆိုင်ရာ အချက်အလက်​တွေကို ရှာ​ဖွေ​လေ့လာတဲ့အခါမှာ ပိုမိုလွယ်ကူ​စေပါတယ်။ အမလို နယ်ကလာပြီး အင်္ဂလိပ်စာနဲ့ ကောင်း​​ကောင်းမထိ​တွေ့ခဲ့ရတဲ့ ကျောင်းသူတစ်​ယောက်အတွက်​တော့ အမ တက္ကသိုလ်စာသင်ခန်း​လေးက အမဘဝအတွက် Training Room​ လေးပါပဲ။ အမ​ပြောချင်တာက​တော့ ဒီ​​လောက်ပါပဲ။ မောင်​လေးတို့၊ ညီမ​လေးတို့လည်း ဘယ်​နေရာ​ရောက်ခဲ့​ရောက်ခဲ့ ကိုယ်ဖြစ်ချင်တဲ့ အိပ်မက်​တွေကိုရှာ​တွေ့ပြီး အ​ကောင်းဆုံးကြိုးစားနိုင်မယ်လို့ ယုံကြည်ပါတယ်။


Content : Kyal Sin Phu

Graphic : Htet Aung

Featured Posts