ဖြိုးသူရ‌ဌေး


မင်္ဂလာပါ YSEerတို့ရေ ❤️ ဒီတစ်ပတ် YSEerတို့ အတွက် ကျောင်းစာပြင်ပလှုပ်ရှားမှု (extracurricular activities) တွေ ဘာကြောင့် လုပ်သင့်လဲဆိုတာ ပြောပြမယ့်သူကတော့ ရန်ကုန်နည်းပညာတက္ကသိုလ်က B.E. (Chemical) ဘွဲ့ရထားပြီး လက်ရှိမှာတော့ National University of Singapore မှာ မဟာဘွဲ့တက်ရောက်နေတဲ့ ကိုဖြိုးသူရ‌ဌေးပဲ ဖြစ်ပါတယ်။ ကိုဖြိုးသူရဌေးဟာ YTU English Club ကို စတင်တည်ထောင်သူဖြစ်ပြီး ကျောင်းသားသမဂ္ဂမှာလည်း ဗဟိုအလုပ်အမှုဆောင်အဖြစ် တာဝန်ယူခဲ့ပါတယ်။ ကျောင်းသားအခွင့်အရေး လှုပ်ရှားမှုတွေအကြောင်းကို TEDxYangon 2018 မှာ လူငယ်ဟောပြောသူအနေနဲ့ မျှဝေခဲ့သူတစ်ဦးလည်းဖြစ်ပါတယ်။ စကောလားရှစ်လျှောက်ချင်သူတွေအတွက် အင်္ဂလိပ်စာနဲ့ အခြားလိုအပ်ချက်တွေကို သင်ကြားပေးတဲ့ Scholar Mentors ဆိုတဲ့ အွန်လိုင်းစာသင်ကျောင်းတစ်ခုကို (၂၀၁၆) ခုနှစ်မှာ ပူးတွဲတည်ထောင်ခဲ့သူဖြစ်ပါတယ်။ ဒါ့အပြင် YSEALI Alumni တစ်ဦးလည်းဖြစ်ပြီး အမေရိကန်သံအမတ်ကြီးရဲ့ လူငယ်ကောင်စီမှာ (၂) နှစ်ကြာ ပါဝင်ခဲ့ပါတယ်။ အော်စလိုအခြေစိုက် Start-up incubator တစ်ခုမှာ (၅) လကြာပါဝင်ခဲ့ပြီး လက်ရှိမှာလည်း ProspectsASEAN ဆိုတဲ့ထုတ်ဝေရေးတစ်ခုမှာ မြန်မာတာဝန်ခံအနေနဲ့ စွန့်ဦးတီထွင်လုပ်ငန်းများအကြောင်း ဆောင်းပါးတွေရေးသားလျက်ရှိပါတယ်။ Model ASEAN၊ Model ASEM၊ Model UN ပွဲတွေမှာလည်း ဦးဆောင်ဆွေးနွေးသူအဖြစ် လုပ်ကိုင်ခဲ့ပြီး အာဆီယံဖောင်ဒေးရှင်းအသိအမှတ်ပြု Model ASEAN Trainer တစ်ဦးလည်းဖြစ်ပါတယ်။ ပြိုင်ပွဲတွေအနေနဲ့ UNICEF၊ UNDP၊ အာရှဥရောပ ဖောင်ဒေးရှင်း နဲ့ Telenor တို့ကပြုလုပ်တဲ့ တီထွင်ဆန်းသစ်မှုပြိုင်ပွဲတွေမှာ ပထမဆုတွေ ရရှိခဲ့ပါတယ်။ ဗြိတိသျှကောင်စီရဲ့ IELTS Ambassador တစ်ဦးလည်းဖြစ်ပြီး အရှေ့အာရှအဆင့်မှာ တတိယဆုရရှိခဲ့ပါတယ်။ ပြည်တွင်းပြည်ပ အတွေ့အကြုံများစွာရှိတဲ့ ကိုဖြိုးသူရဌေးဟာ ကျောင်းစာပြင်ပ လှုပ်ရှားမှုတွေ လုပ်သင့်သည့်အကြောင်းကို အခုလိုပဲ ပြောပြထားပါတယ်။

"ကျောင်းစာပြင်ပလှုပ်ရှားမှုတွေ ဘာလို့လုပ်သင့်တာလဲဆိုတော့ ကိုယ့်ရဲ့ ခံယူချက် ခိုင်မာအောင်လို့ပါ။ ခုခေတ်မှာ အရည်အချင်းရှိတဲ့ကျောင်းသားတွေအနေနဲ့ နိုင်ငံတကာ အခွင့်အလမ်းတွေဆိုတာ မခက်ခဲတော့ပါဘူး။ အဲ့ဒီမှာ နိုင်ငံပေါင်းစုံက လူအမျိုးမျိုး၊ အတွေးအခေါ် အမျိုးမျိုးနဲ့ တွေ့ရပါလိမ့်မယ်။ ကိုယ့်ပတ်ဝန်းကျင်နဲ့ ကိုယ့်နိုင်ငံထဲက အခက်အခဲတွေကို သေချာနားလည်ထားပြီး ကိုယ်တိုင် လက်တွေ့လုပ်ထားဖူးမှ သူများပြောတိုင်း နားမယောင်ဘဲနဲ့ ကိုယ့်လူမှုပတ်ဝန်းကျင်အတွက် သင့်တော်တာတွေကို ကိုယ်တိုင် ဝေဖန်ပိုင်းခြားနိုင်မှာဖြစ်ပါတယ်။"

Featured Posts
Recent Posts
Archive
Search By Tags
Follow Us
  • Facebook Basic Square
  • Instagram Social Icon

ANY QUESTIONS?

  • Facebook - White Circle
  • Instagram - White Circle
  • LinkedIn - White Circle
  • YouTube - White Circle

California Branch (USA)

801 Southgate Ave,

Daly City, CA 94015

(P) +1 (574) 241-1411

(E) info.usa@ysenpo.org

Yangon Branch (Myanmar)

TRE Tower, 6th Floor, Mingalar Road

South Okkalapa Township, Yangon.

(P) +95 978-222-1020

(E) info.myanmar@ysenpo.org