First Impression Matters


လူတစ်ယောက်နဲ့တစ်ယောက် ပထမဆုံးအကြိမ် စတွေ့တဲ့အခါ တွေ့မြင်ရတဲ့ အပြုအမူ အပြောအဆိုကိုမူတည်ပြီး တစ်ယောက်နဲ့တစ်ယောက် ဘယ်လိုလူလဲဆိုတာကို ဆုံးဖြတ်လေ့ရှိကြပါတယ်။ သင် ဘယ်လိုလူလဲဆိုတာကို သေချာမသိသေးခင်မှာပဲ တစ်ဖက်လူဟာ သင့်ကို သူပထမဆုံးအကြိမ်မှာ မြင်ရတဲ့ပုံစံနဲ့ပဲ သတ်မှတ်တတ်ကြပါတယ်။ First Impression အတွက် သင်ဟာ အခွင့်အရေး နှစ်ခါ မရနိုင်ပါဘူး။ ဒါကြောင့်လည်း ပေါင်းသင်းဆက်ဆံရေး နယ်ပယ်မှာ First Impression ဟာ အတော်ကို အရေးကြီးပါတယ်။

First impression ကောင်းကောင်းရဖို့ဆိုရင်

၁။ အချိန်မီ ရောက်ရှိပါစေ။

သင်နဲ့ ပထမဆုံးအကြိမ်အနေနဲ့ တွေ့ဆုံသူဟာ သင် ဘာလို့နောက်ကျသလဲဆိုတဲ့ ဆင်ခြေဆင်လက်တွေကို မပေးသင့်သူပါ။ မိမိရောက်ရမည့်နေရာကို အချိန်မိရောက်ခြင်းဖြင့် သင်ဟာ သူတစ်ပါးရဲ့ အချိန်ကို လေးစားရာရောက်သလို သူတစ်ပါးကလည်း သင့်ကို အချိန်လေးစားသူ၊ စည်းစနစ်တကျ ပြုမူနေထိုင်သူအဖြစ်နဲ့ မြင်စေမှာဖြစ်ပါတယ်။

၂။ သင့်လျော်သော အ၀တ်အစားကို သန့်ရှင်းသပ်ရပ်စွာ ဝတ်စားဆင်ယင်ပါ။

သင်ဝတ်ဆင်တဲ့ အဝတ်အစားဟာ သင် သွားရောက်မယ့် အခမ်းအနားနဲ့ ကိုက်ညီမှုရှိဖို့လိုအပ်ပါတယ်။ သန့်ရှင်းသပ်ရပ်ဖို့လည်း လိုအပ်ပါတယ်။ ဥပမာ သင်ဟာ အလုပ်အတွက် interview သွားရမယ်ဆိုပါစို့။ ဂျင်းဘောင်းဘီနဲ့ T-shirt ဝတ်လို့ မသင့်တော်ပါဘူး။ Business setting နဲ့ လိုက်ဖက်မယ့် formal ဆန်တဲ့ အဝတ်အစားတို့ကိုသာ ရွေးချယ်ဝတ်ဆင်သင့်ပါတယ်။

၃။ ပြုံးပါ။

သင့်ရဲ့ မျက်နှာအမူအရာ (Facial Expression )က လူတွေ သင့်ကိုစတွေ့တဲ့အခါ သတိထားမိတတ်တဲ့ အရာတွေထဲက တစ်ခုပဲဖြစ်ပါတယ်။ ပြုံးနေတဲ့မျက်နှာဟာ မိမိရဲ့ တစ်ဖက်သားအပေါ်မှာ ရင်းနှီးခင်မင်လိုမှုကိုဖော်ပြခြင်းဖြစ်သလို လေးစားမှုကိုပြရာလည်းရောက်ပါတယ်။ မိမိကိုသာမက တခြားသူကိုပါ comfortable ဖြစ်စေပြီး ပြောဆိုဆက်ဆံရာမှာလည်း အဆင်ပြေချောမွေ့စေပါတယ်။

၄။ စကားကို ယဥ်ယဥ်ကျေးကျေးနဲ့ ရှင်းရှင်းလင်းလင်း ပြောဆိုပါ။

မိမိပြောတဲ့စကားဟာ ရှင်းလင်းပြီး ကြည်လင်ပြတ်သားတဲ့အသံနဲ့ ယုံကြည်မှုရှိရှိ ပြောဆိုသင့်ပါတယ်။ ပြောဆိုရာမှာလည်း ယဥ်ကျေးတဲ့ စကားအသုံးအနှုန်းတွေကိုသာ ရွေးချယ်သုံးနှုန်းသင့်ပါတယ်။ ဒါမှသာ သင်ဟာ သူတစ်ပါးရဲ့ ယုံကြည်လေးစားမှုကို ရရှိနိုင်မှာဖြစ်ပါတယ်။

၅။ eye contact ရှိပါစေ။

တစ်ယောက်နဲ့တစ်ယောက်စတွေ့တဲ့အခါ သင်က ကိုယ့်ကိုယ်ကိုယ် ယုံကြည်မှုရှိသူတစ်ယောက်အနေနဲ့ တစ်ဖက်လူကို မြင်စေချင်ရင်တော့ တစ်ဖက်လူနဲ့ စကားပြောတဲ့အခါ eye contact ရှိဖို့ အရေးကြီးပါတယ်။ သင်ဟာ တစ်ဖက်လူကို eye contact ပေးခြင်းဖြင့် သင်ကလည်း ထိုသူကို စိတ်၀င်စားမှုရှိတယ်၊ လေးစားမှုရှိတယ်ဆိုတဲ့ သဘောကိုပြရာလည်း ရောက်ပါတယ်။

၆။ သင့်လျော်သော Body Language နှင့်ပြုမူပါ။

First Impression ကောင်းရဖို့ဆိုရင် သင်ဟာ အပြောအဆို ယဥ်ကျေးပြီးတည်ကြည်ပြတ်သားသလို အပြုအမူလည်း ယဥ်ကျေးပြီး ယုံကြည်မှုအပြည့်နဲ့ပြုမူသင့်ပါတယ်။ သင့်ရဲ့ ကိုယ်လက်အမူအရာတွေဟာ တစ်ဖက်လူအတွက်လည်း သင့်တော်နေရပါမယ်။ တစ်ဖတ်လူ စိတ်အနှောင့်အယှက်မဖြစ်အောင် သတိထားပြုမူသင့်ပါတယ်။

Content - Kyal Sin Phu Graphic - Htet Aung

Featured Posts
Recent Posts
Archive
Search By Tags
Follow Us
  • Facebook Basic Square
  • Instagram Social Icon

ANY QUESTIONS?

  • Facebook - White Circle
  • Instagram - White Circle
  • LinkedIn - White Circle
  • YouTube - White Circle

United States Office

2632 Lincolnway East  #1025
Goshen, IN 46526

(P) +1 (574) 241-1411

(E) info.usa@ysenpo.org

Myanmar Office

TRE Tower, 6th Floor, Mingalar Road

South Okkalapa Township, Yangon.

(P) +95 978-222-1020

(E) info.myanmar@ysenpo.org