Thin Nu Nu(MOO)

Meet Our Officers ဆိုတာကတော့ Youth Society for Educationမှာ တက်တက်ကြွကြွပါဝင်လုပ်ဆောင်နေတဲ့ အဖွဲ့ဝင်များရဲ့ အဖွဲ့နဲ့ ပတ်သက်ပြီးသဘောထားတွေ၊ အတွေ့အကြုံတွေကို မျှဝေပေးနေတဲ့ အစီအစဉ်တစ်ခုပဲဖြစ်ပါတယ်။ ဒီတစ်ပတ်မှာတော့ YSE Yangon Branch ရဲ့ Managing Director အဖြစ် လုပ်ကိုင်ဆောင်ရွက်နေတဲ့ မသင်းနုနုနဲ့ တွေ့ဆုံမေးမြန်းထားပါတယ်။

Thin Nu Nu Managing Director of Yangon Branch 📩 thinnu@ysenpo.org

(၁) ပထမဆုံးအနေနဲ့ ကိုယ့်ကိုကိုယ် မိတ်ဆက်ပေးပါခင်ဗျ။

ညီမနာမည်ကတော့ သင်းနုနုပါ။ လောလောဆယ်မှာတော့ National Management Degree CollegeမှာTourism (Final Year) ကို အထူးပြုသင်ကြားနေပါတယ်။ YSEမှာတော့ Managing Director အဖြစ်နဲ့ တာဝန်ယူလုပ်ဆောင် ပေးနေပါတယ်။

(၂) အစ်မ အနေနဲ့ YSEကို ဘယ်လိုစသိခဲ့တာလဲ။ ပြီးတော့YSE မှာ ဘယ်လောက်ကြာလုပ်ဆောင်ခဲ့ပြီလဲ။ လက်ရှိမှာရော ဘယ်လို project မျိုးမှာ ပါဝင်နေသလဲဆိုတာလေးကို ပြောပြပေးပါ။

YSEကို ၂၀၁၈ခုနှစ်၊ နိုဝင်ဘာလလောက်မှာ Social Media ကနေတစ်ဆင့် သိခဲ့ရပါတယ်။ အဲ့ဒီနောက်မှာတော့ YSEရဲ့ ဦးတည်ချက်တွေ၊ လုပ်ဆောင်ချက်တွေကို သဘောကျမိတာကြောင့်နှင့် Community ကို အထောက်အကူပြုနေတဲ့ Organization တစ်ခုဖြစ်တာကြောင့် YSEကို စပြီး join ဖြစ်ခဲ့ပါတယ်။ YSE Officer တစ်ယောက်ဖြစ်တာတော့ ၈ လခန့်ရှိခဲ့ပါပြီ။ ကျင့်ဝတ်နှင့်ညီသော အဖွဲ့စည်းကောင်းတစ်ခုဖြစ်ရန်နှင့် Yangon Branch ပိုမိုတိုးတက်ကောင်းမွန်စွာ လည်ပတ်နိုင်စေရေးအတွက် ညီမအနေနဲ့ Branch ရဲ့ Internal Management ပိုင်းကို အဓိက ထား တာဝန်ယူထားပါတယ်။ Scholarship Committee နဲ့အတူ Scholarship Program ဖြစ်မြောက်ရေးအတွက် ပူးပေါင်းလုပ်ဆောင်ခြင်း၊ သက်ဆိုင်ရာ တက္ကသိုလ်များတွင် Design Thinking Workshop ကျင်းပနိုင်ရေးအတွက် တာဝန်ယူခြင်းများကိုလည်း ပြူလုပ်ခဲ့ပါတယ်။ ယခုလက်ရှိမှာတော့ Branch ထဲမှာရှိနေတဲ့ Officers များနှင့်အတူ YSE Internship Program ဖြစ်မြောက်ရေးအတွက် ကြိုးစားဆောင်ရွက်နေပါတယ်။

(၃) အစ်မအနေနဲ့ YSE ရဲ့ လုပ်ဆောင်ချက်တွေအပေါ် ဘယ်လိုထင်မြင်ပါသလဲ။

စိတ်အားထက်သန်မှုတွေကို အရင်းခံပြီး အများကောင်းကျိုးဖြစ်စေမယ့် လုပ်ငန်းဆောင်တာတွေကို ဆောင်ရွက်ပေးနေတဲ့ အဖွဲ့အစည်းဖြစ်တာကြောင့် YSE ရဲ့ လုပ်ဆောင်ချက်တွေက အနာဂတ်လူငယ်တွေအတွက် အုတ်တစ်ချက် သဲတစ်ပွင့်လောက် အထောက်အပံ့ပြုပေးနိုင်မယ်ဆိုရင်ပဲ ဝမ်းသာလှပါပြီ။ ဆက်လက်ပြီးတော့လည်း ညီမတို့အနေနဲ့ အားရှိသ၍ အစွမ်းကုန် ကြိုးပမ်းသွားဦးမှာပါ။ Quality Education ကို အမှန်တကယ် ဖော်ဆောင်နိုင်မဲ့ အဖွဲ့အစည်းတစ်ခုဖြစ်လာမယ်လို့လည်း ယုံကြည်ပါတယ်။

(၄) နောက်ဆုံးအနေနဲ့ YSE မှာ လက်ရှိလုပ်ကိုင်နေတဲ့ Volunteer တွေကို ရင်ထဲကနေ ပြောချင်တဲ့ စကားတစ်ခွန်းလောက်ရှိရင် ဝေမျှပေးပါဦးခင်ဗျ။

မအားမလပ်တဲ့ကြားထဲကနေ YSE ကိုအချိန်ပေးပြီး ဆိုးတူကောင်းဖက်၊ ရင်ဘတ်ချင်းနီးပေးကြတဲ့ အစ်ကို၊အစ်မတွေ အားလုံးကိုလည်း ရင်ထဲကနေ အထူးပဲ ကျေးဇူးတင်ပါတယ်။ ဆက်လက်ပြီး အကောင်းဆုံးရလဒ်တွေရအောင် လက်တွဲမဖြုတ်ဘဲ ကြိုးစားကြရအောင်လို့လည်း တိုက်တွန်းပြောကြားချင်ပါတယ်။

Author: Aung Thura Min

Featured Posts
Recent Posts
Archive
Search By Tags
Follow Us
  • Facebook Basic Square
  • Instagram Social Icon

ANY QUESTIONS?

  • Facebook - White Circle
  • Instagram - White Circle
  • LinkedIn - White Circle
  • YouTube - White Circle

California Branch (USA)

801 Southgate Ave,

Daly City, CA 94015

(P) +1 (574) 241-1411

(E) info.usa@ysenpo.org

Yangon Branch (Myanmar)

TRE Tower, 6th Floor, Mingalar Road

South Okkalapa Township, Yangon.

(P) +95 978-222-1020

(E) info.myanmar@ysenpo.org